Video
Read full review
2020-05-23
292 views
嚟過大角咀咁多次，唔講都唔知原來呢到有間價錢親民既壽司店。小店鋪頭面積唔大，就咁行過好容易會miss左，餐廳只有一張枱仔，所以大部分客人都係外賣自取拎返屋企食。 麻雀雖小，但五臟俱全，餐牌上壽司款式豐富，連炸物都有，而且價錢非常親民，大部份壽司都係$10或以下。全部壽司都係即叫即製，確保送到客人手上嘅時候仲係新鮮。呢個價錢當然唔可以期待有高級壽司店嘅質素，但係平得黎絕對唔差，部份壽司仲幾有驚喜。我最推介係海膽花之戀，海膽同三文魚都好新鮮，海膽比想像中好味，味道鮮甜，而且份量唔少。我試過某間連鎖壽司店嘅海膽又腥又臭，好彩呢間完全無咁既情況，仲出奇地好味。炙燒系列都唔錯，最好味係鹽燒左口魚邊壽司，燒鵝肝壽司都OK，重點係舊飯吸收曬上層食物既精華，所以特別香口。三文魚籽、帶子壽司，蟹膏玻璃蝦都正常。芥辣八爪魚調味得啱啱好，唔會太嗆又好香芥茉味，不錯。重點係店員非常有禮貌💕全程唔該前唔該後，又話唔好意思要我等咁耐。而且提供嘅豉油同芥末份量都好足夠，我唔洗就住嚟食。呢個價錢黎講，食物質素絕對不錯！
全部壽司都係即叫即製，確保送到客人手上嘅時候仲係新鮮。呢個價錢當然唔可以期待有高級壽司店嘅質素，但係平得黎絕對唔差，部份壽司仲幾有驚喜。
我最推介係海膽花之戀，海膽同三文魚都好新鮮，海膽比想像中好味，味道鮮甜，而且份量唔少。我試過某間連鎖壽司店嘅海膽又腥又臭，好彩呢間完全無咁既情況，仲出奇地好味。
炙燒系列都唔錯，最好味係鹽燒左口魚邊壽司，燒鵝肝壽司都OK，重點係舊飯吸收曬上層食物既精華，所以特別香口。
三文魚籽、帶子壽司，蟹膏玻璃蝦都正常。芥辣八爪魚調味得啱啱好，唔會太嗆又好香芥茉味，不錯。
重點係店員非常有禮貌💕全程唔該前唔該後，又話唔好意思要我等咁耐。而且提供嘅豉油同芥末份量都好足夠，我唔洗就住嚟食。呢個價錢黎講，食物質素絕對不錯！
Post
