Video
Read full review
2018-03-01
215 views
一直都想食下omakase，但係係香港食真心貴，負擔唔起。然而！比我搵到一間價錢親民但用料上乘嘅Omakase，餐廳係灣仔，因為近我番工地區，所以我係直接由銅鑼灣行去，行左20分鐘到，所以我都唔知近唔近地鐵站😂餐廳樓底好高，有吧枱有卡位，坐得舒服。分$580同$880兩個set，覺得$580已經夠野食，所以就叫左個$580試下。前菜有海蜇同沙律，海蜇好爽口彈牙，醬汁有微微酸酸地幾開胃，而沙律嘅醬好特別，好似加左wasabi，微微辣但又甜甜地。刺身四款分別係金木雕（左），剝皮魚（右上），北海道牡丹蝦（右下）同拖羅（同醋物同一張相）。金木鯛，魚嘅表面好輕微咁用火燒過，逼左小小魚油出泥，仲用原條木魚刨成木魚花灑左係魚上。剝皮魚本身係無味嘅，所以係上面淋上魚肝醬，滿滿嘅魚肝油味但又唔腥，鹹鹹地又香。北海道牡丹蝦，好厚肉，好多蝦膏，最貼心嘅係連蝦尾都幫你起埋肉。大拖羅非常新鮮，用紫菜卷住泥食，比較特別嘅食法，而且仲有紫蘇葉，可以減低油膩感，拖羅入口即溶，仲有濃濃嘅魚油香。醋物係三文魚頭軟骨，軟骨好似蒟蒻，口感特別，三文魚子好甜，咬落仲會有燒魷魚絲嘅味道，酸甜得泥又開胃。係燒物、揚物、煮物入面我揀
餐廳樓底好高，有吧枱有卡位，坐得舒服。
分$580同$880兩個set，覺得$580已經夠野食，所以就叫左個$580試下。
前菜有海蜇同沙律，海蜇好爽口彈牙，醬汁有微微酸酸地幾開胃，而沙律嘅醬好特別，好似加左wasabi，微微辣但又甜甜地。
刺身四款分別係金木雕（左），剝皮魚（右上），北海道牡丹蝦（右下）同拖羅（同醋物同一張相）。
金木鯛，魚嘅表面好輕微咁用火燒過，逼左小小魚油出泥，仲用原條木魚刨成木魚花灑左係魚上。
剝皮魚本身係無味嘅，所以係上面淋上魚肝醬，滿滿嘅魚肝油味但又唔腥，鹹鹹地又香。
北海道牡丹蝦，好厚肉，好多蝦膏，最貼心嘅係連蝦尾都幫你起埋肉。
大拖羅非常新鮮，用紫菜卷住泥食，比較特別嘅食法，而且仲有紫蘇葉，可以減低油膩感，拖羅入口即溶，仲有濃濃嘅魚油香。
醋物係三文魚頭軟骨，軟骨好似蒟蒻，口感特別，三文魚子好甜，咬落仲會有燒魷魚絲嘅味道，酸甜得泥又開胃。
係燒物、揚物、煮物入面我揀左揚物，係海鰻同甘薯天婦羅，炸漿好薄，鰻魚肉好彈牙，完全唔知道自己食緊鰻魚，而甘薯好軟好甜。
五款壽司由右至左分別係海膽、針魚、帆立貝、左口魚同赤鯥。
海膽: 鮮甜而且份量好多
針魚: 彈牙，味道偏淡
帆立貝: 鮮甜嫩滑
左口魚: 肉質比較硬
赤鯥: 魚王，價錢比喜之次貴，所以呢個價錢可以食到好難得，口感好有拖羅嘅感覺，一樣入口即溶，魚油香好濃
拖羅葱花手卷
份量超級多，食到落底都仲有拖羅，感覺好滿足。
日式煮蜆湯，蜆肉大大粒，仲係岩岩熟，超級鮮甜，連帶個湯都有小小清甜味。
甜品揀左綠茶雪糕，茶味濃，唔會太甜。
以omakase泥講，個價錢真係好抵，而且服務好好，好詳細咁向你介紹每一道菜，你有興趣繼續問，佢地都好熱心咁話你知。
Post
