Video
Read full review
2023-06-04
57 views
🍴🍽🍴🍽🍴🍽🧋🧋🧋🧋🧋🍴🍽🍴🍽🍴🍽-間唔中都會想食吓台灣嘢，但企喺街邊食炸雞真係諗起都熱😹。今次喺小麻吉嘆住冷氣就可以享受喺台灣夜市覓食嘅感覺，佢細細份可以一次過嗌好多唔同款嘅小食過口癮，而且主菜套餐選擇又多，性價比好高👍。🥢 大滿足定食- 肉燥麻辣口水乾拌麵（加煎蛋）、慢煮蔥燒豬軟骨、蔥油灼青菜 $93 🆗乾拌麵嘅辣味帶少少麻，好香濃，撈埋肉燥嘅鹹香令到味道更加有層次，撈埋太陽蛋汁好滑溜😆。豬軟骨好淋又入味，好鐘意佢嘅八角味夠重。除咗自己揀嘅主菜、小食同麵之外，仲有台灣小香腸同涼拌小王瓜，真係好飽好豐富🤤。🥢 原味鹽酥雞 $20 🆗個皮炸到好酥好脆，雞肉應該用咗雞柳，比較乾身又冇咁油，唔會太肥膩。🥢 炸芋泥地瓜球 $20 🆙入面嘅芋泥同地瓜味道好濃，一咬開啲香味即刻飄晒出嚟，味道唔會太甜，啲比例啱啱好。值得一提嘅係，呢度嘅炸物都係即叫即炸，用嘅油好新鮮，食落肚唔會有油膩嘅感覺。🥢 滷水豬耳 $40 🆗豬耳好爽口但又唔會太硬，滷水汁滲透咗入豬耳裡面，味道好濃郁。🥢 珍珠紅豆仙草凍（小） 跟餐+$9 🆙呢個價錢就可以食到個甜品真係好抵！紅豆甜而不膩，仙草凍清甜爽口，口感好滑嫩，加咗
-
間唔中都會想食吓台灣嘢，但企喺街邊食炸雞真係諗起都熱😹。今次喺小麻吉嘆住冷氣就可以享受喺台灣夜市覓食嘅感覺，佢細細份可以一次過嗌好多唔同款嘅小食過口癮，而且主菜套餐選擇又多，性價比好高👍。
🥢 大滿足定食- 肉燥麻辣口水乾拌麵（加煎蛋）、慢煮蔥燒豬軟骨、蔥油灼青菜
$93 🆗
乾拌麵嘅辣味帶少少麻，好香濃，撈埋肉燥嘅鹹香令到味道更加有層次，撈埋太陽蛋汁好滑溜😆。豬軟骨好淋又入味，好鐘意佢嘅八角味夠重。
除咗自己揀嘅主菜、小食同麵之外，仲有台灣小香腸同涼拌小王瓜，真係好飽好豐富🤤。
🥢 原味鹽酥雞 $20 🆗
個皮炸到好酥好脆，雞肉應該用咗雞柳，比較乾身又冇咁油，唔會太肥膩。
🥢 炸芋泥地瓜球 $20 🆙
入面嘅芋泥同地瓜味道好濃，一咬開啲香味即刻飄晒出嚟，味道唔會太甜，啲比例啱啱好。值得一提嘅係，呢度嘅炸物都係即叫即炸，用嘅油好新鮮，食落肚唔會有油膩嘅感覺。
🥢 滷水豬耳 $40 🆗
豬耳好爽口但又唔會太硬，滷水汁滲透咗入豬耳裡面，味道好濃郁。
🥢 珍珠紅豆仙草凍（小） 跟餐+$9 🆙
呢個價錢就可以食到個甜品真係好抵！紅豆甜而不膩，仙草凍清甜爽口，口感好滑嫩，加咗好多煉奶好正。份量都啱啱好，細細地唔會over eat🫶。
🥢 凍珍珠奶茶加紅豆 $28 🆗
🥢 烏梅汁 跟餐 🆗
嘢飲好大杯好抵飲，烏梅汁偏酸又唔甜，解渴一流👍。珍珠奶茶偏甜同埋奶味比較濃，珍珠好煙韌好有咬口。
🥸評價 𝗥𝗮𝘁𝗶𝗻𝗴𝘀🥸
食物 𝗙𝗼𝗼𝗱 7/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10
服務 𝗦𝗲𝗿𝘃𝗶𝗰𝗲 8/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7.5/10
整體 𝗢𝘃𝗲𝗿𝗮𝗹𝗹 7.375/10
-
🍴🍽🍴🍽🍴🍽🧋🧋🧋🧋🧋🍴🍽🍴🍽🍴🍽
Post
