鮨亭 (Closed)

兩個女仔girls talk，最好搵間日本居酒屋慢慢坐係到一路食一路傾計飲下酒，又唔會有人趕！我即刻諗起屯門鮨亭，價值合理，環境又唔錯，係位置比較隱閉，交通有D唔方便，不過係屯門站打的，5分鐘就到。小店原來好多人都book左位，唯有坐Bar檯。叫左梅酒同檸檬綠茶各一杯，檸檬綠茶口感清爽好Fresh!!梅酒微甜有淡淡梅味，酒味亦唔會太濃，女仔好啱飲整個前菜開開胃：海葡萄麻醬豆腐，香濃麻醬加上海葡萄嘅雙重口感，簡直係味覺衝激～刺身盛盒(6點）以木盒形式上，包括有伊左目、三文魚、赤身、油甘魚、帆立貝、海膽，好新鮮而且好肥美，全部都係厚切，入口鮮甜。加上呢個擺盤，打卡一流～性價比高蒜片鐵板牛肉粒：熱辣辣即上，用黎佐酒一流，牛肉肉質有彈性及口感，肉味濃，油份同焦香直衝喉嚨，一口接一口！傾到咁上下，要搵D熱食填飽肚，簡簡單單叫左個海膽烏冬沾麵。跟烏冬另外奉上一碗海膽沾醬，濃郁杰身。每條烏冬都沾上海膽醬，非常邪惡。