Video
Read full review
2022-08-08
74 views
📍翔壽司- #YFF尖沙咀 💎【CP值極高壽司專門店!! 每日由日本豊洲空運直送食材】月尾荷包乾硬化又想豪食壽司? 呢間主打價錢親民嘅壽司舖可能幫到你😊 餐廳嚴選由日本豊洲空運直送嘅食材，確保用料新鮮，保證可以食返日本嘅味道。主理廚師擁有十幾年喺米芝蓮餐廳工作嘅經驗，食物質素絕對有保證。但要注意一點係，餐廳環境比較細同埋逼，只有一張L型壽司吧枱，大概只有十個位左右。❝自選壽司12件 ❞ — $208⧐ 火炙三文魚腩壽司三文魚腩經過火炙處理，豐富油脂入口即化，口腔充滿住魚油甘香。 ⧐ 魴鮄壽司好特別嘅名! 呢款魚坊間比較少見到，粉紅與白色交集嘅魚身肉質紮實，味道清甜。⧐ 火炙金線鯛壽司金線鯛其實即係我地俗稱嘅紅衫魚。製成刺身，更能突出金線鯛嘅清淡柔軟，輕輕炙燒過表面，油香盡情發揮，更能增添一份甘香。⧐ 火炙左口魚邊壽司炙燒過嘅左口魚入口油脂即化，口感既肥美又爽口，甘甜魚油緩緩滲出，層次豐富，濃郁甘香。⧐ 深海池魚壽司夏天係深海池魚嘅當造季節。棲息於深海嘅池魚，肉質比一般嘅池魚更加細緻鮮美，入口先滑後爽，魚香吸引。⧐ 帶子壽司厚切帶子肥美鮮甜，咬落軟嫩有口感。⧐赤蝦壽司肉質軟滑，入口膠質滿
【CP值極高壽司專門店!! 每日由日本豊洲空運直送食材】
月尾荷包乾硬化又想豪食壽司? 呢間主打價錢親民嘅壽司舖可能幫到你😊 餐廳嚴選由日本豊洲空運直送嘅食材，確保用料新鮮，保證可以食返日本嘅味道。主理廚師擁有十幾年喺米芝蓮餐廳工作嘅經驗，食物質素絕對有保證。但要注意一點係，餐廳環境比較細同埋逼，只有一張L型壽司吧枱，大概只有十個位左右。
❝自選壽司12件 ❞ — $208
⧐ 火炙三文魚腩壽司
三文魚腩經過火炙處理，豐富油脂入口即化，口腔充滿住魚油甘香。
⧐ 魴鮄壽司
好特別嘅名! 呢款魚坊間比較少見到，粉紅與白色交集嘅魚身肉質紮實，味道清甜。
⧐ 火炙金線鯛壽司
金線鯛其實即係我地俗稱嘅紅衫魚。製成刺身，更能突出金線鯛嘅清淡柔軟，輕輕炙燒過表面，油香盡情發揮，更能增添一份甘香。
⧐ 火炙左口魚邊壽司
炙燒過嘅左口魚入口油脂即化，口感既肥美又爽口，甘甜魚油緩緩滲出，層次豐富，濃郁甘香。
⧐ 深海池魚壽司
夏天係深海池魚嘅當造季節。棲息於深海嘅池魚，肉質比一般嘅池魚更加細緻鮮美，入口先滑後爽，魚香吸引。
⧐ 帶子壽司
厚切帶子肥美鮮甜，咬落軟嫩有口感。
⧐赤蝦壽司
肉質軟滑，入口膠質滿滿，蝦味濃郁，味道鮮甜。
➤ 翔之戀 ($78)
師傅創作壽司，以店名為名，賣相吸引，用料高級。以花之戀作創作藍本，用上多片厚切拖羅包裹海膽，並在表面灑上三文魚籽，味道甘腴香鮮，層次非常豐富，絕對是舌尖上的享受。
Post
