Video
Read full review
2023-02-19
37 views
呢日又約左朋友去佢屋企有啲嘢傾，油塘係佢地頭，所以佢負責揀有咩好食。佢提議黎呢間叫熊貓小雲吞嘅鋪頭，選擇種類非常多，而且都好抵食。呢日係星期五，亦都見到好多人買外賣。我地揀左：外婆紅燒肉油蔥酥熱撈麵（＄55）：原來冇辣椒圖案都一樣可以揀辣度，我地揀左小辣同幼麵，呢個熱撈麵非常推介，辣得來又唔會油膩，亦都好美味，令人食完一啖會再追住食，呢個麵拎到返朋友屋企嘅時候因為已經凍左少少，所以要攪散佢地，但係都冇令到佢個口感變差，一樣都好彈牙。亦都有生菜提供，平衡健康。肥牛金針菇重慶酸辣粉（＄48）：我地點左小辣，都好夠辣。酸辣粉夠曬煙韌，吸收哂湯汁非常滋味。肥牛都好好食，一啲都唔韌，亦唔會過肥。串串鍋（＄40）：長洲大魚蛋很彈牙，振興豬肉丸和振興100％牛肉丸很juicy，振興丸類質素亦有保證，台灣滋美香腸大大條，蓮藕夠爽脆，海帶結很鮮味，白蘿蔔夠清甜，五香豆腐串炸得很脆。孜然椒麻炸雞翼（＄35）：我地叫左五隻雞翼，雞翼大大隻，炸得皮脆肉嫩，孜然味很香口。雞翼煮得熟到適中，啱啱好。涼拌蔥花皮蛋（＄22）：皮蛋份量好多，而且仲有大量芫荽，非常惹味。軟糯香甜紅糖糍粑（＄28）：一向都好中意食呢款甜品
佢提議黎呢間叫熊貓小雲吞嘅鋪頭，選擇種類非常多，而且都好抵食。
呢日係星期五，亦都見到好多人買外賣。
我地揀左：
外婆紅燒肉油蔥酥熱撈麵（＄55）：
原來冇辣椒圖案都一樣可以揀辣度，我地揀左小辣同幼麵，呢個熱撈麵非常推介，辣得來又唔會油膩，亦都好美味，令人食完一啖會再追住食，呢個麵拎到返朋友屋企嘅時候因為已經凍左少少，所以要攪散佢地，但係都冇令到佢個口感變差，一樣都好彈牙。亦都有生菜提供，平衡健康。
肥牛金針菇重慶酸辣粉（＄48）：
我地點左小辣，都好夠辣。酸辣粉夠曬煙韌，吸收哂湯汁非常滋味。肥牛都好好食，一啲都唔韌，亦唔會過肥。
串串鍋（＄40）：
長洲大魚蛋很彈牙，振興豬肉丸和振興100％牛肉丸很juicy，振興丸類質素亦有保證，台灣滋美香腸大大條，蓮藕夠爽脆，海帶結很鮮味，白蘿蔔夠清甜，五香豆腐串炸得很脆。
孜然椒麻炸雞翼（＄35）：
我地叫左五隻雞翼，雞翼大大隻，炸得皮脆肉嫩，孜然味很香口。雞翼煮得熟到適中，啱啱好。
涼拌蔥花皮蛋（＄22）：
皮蛋份量好多，而且仲有大量芫荽，非常惹味。
軟糯香甜紅糖糍粑（＄28）：
一向都好中意食呢款甜品，食左咁多辣野，呢款甜品係可以解辣嘅，而且本身呢個甜品外脆內軟嘅口感我非常喜歡，紅糖甜度亦適中，飽都食得落。
叫左咁多野都係200蚊左右，而且多到食唔哂，朋友可以留番第日食。
我一場黎到油塘，仲喺舖頭到買左樽五仁菜脯，下次屋企㷛粥嘅時候可以落啲試下。
Post
