譽小館 (Closed)

又係下午T一T嘅時候，行過奧海城戲院見到有間小菜館，有粥粉麵飯仲有好多唔同小菜，入去試吓啦⋯⋯坐低就每人放低一杯麥茶，幾好飲，望咗一輪餐牌之後，就叫咗個生炒牛肉飯同雪菜肉絲炆米，兩碟都大大碟，炒飯料頭足，夠晒味，飯粒分明，我鍾意佢有埋菜粒，感覺上好似健康啲⋯雪菜肉絲米都好味但係就油咗啲，跟餐仲有嘢飲，可以揀豆漿或者奶茶，40幾蚊一個餐都真係好抵。下午茶時段唔算人多，如果坐滿其實應該會幾嘈同有啲迫。見佢仲有室外位置，不過可能太曬冇開放。