榕基滷水專門店 1992

Open Now

Now Closed

今日同朋友係大埔搵好野食，見呢間滷水店都幾好，決定入去試下，見負責掌廚的都係後生仔。店內都好開揚，乾淨齊理，都算舒適。而堂食可以選擇套餐，自由配搭：先揀主菜，再揀麵或粥，再揀小食及飲品。門外都幾多人等外賣，為晚餐加多個餸都唔錯嘅選擇。我地分別叫左招牌滷水獅頭鵝配鮮鵝油撈麵、醉雞配粥及滷水小食。鵝肉嘅份量非常足夠，有近5至6件鵝，水汁香而不過鹹，鵝有鵝肉的獨特香味，肉實夠入味。鵝肉下面仲有豆腐，好入味好軟淋份量好多豆腐亦好滑。麵軟硬度適中，清湯入口唔口渴。老友記加麻辣醬再倒入點鵝食的醋汁，自製酸辣味。醉雞份量亦好足 ，酒味好香，雞肉有酒香，重點是肉質好嫩，好滑，平時食雞件我都只會食雞肉不食皮。但實在太滑了，忍唔住連雞皮都食埋。滷水小食有牛展、牛肚及牛筋，整體質素都唔錯，牛筋好腍好入味，牛肚亦好軟腍，牛展就色香味俱全，肉質嫩滑，香氣撲鼻，相當入味。