迦米泰式小食 (Moved) New Location

今日同朋友約左係北角食飯，餐廳係佢揀既，我淨係去到食就得啦。我地兩個都叫左海南雞湯檬粉，雞肉份量唔多，滑唔滑就睇下佢比咩部位，好似我個碗就比較多雞胸，所以幾鞋口。除左雞肉，仲有豆pok一舊，蘿蔔一舊，蘿蔔唔係好入味，但係同個湯底一樣清清地，幾啱夏天食。碗野有一個加分位就係有好多肥嘟嘟芽菜，但如果好似我個friend咁唔鍾意食芽菜，可能加分變扣分啦😂野飲我地叫左泰式咖啡同泰式奶茶，兩杯味道都偏甜，但係咖啡香同茶香都幾突出，個人比較鍾意奶茶。