禾牛薈火煱館 (金馬倫道)

Open Now

Now Closed

今日同事推薦我去食「禾牛薈火煱館」一人一鍋，佢話佢食過呢個午市套餐覺得好正，仲要好近我哋公司附近，一早就去打去book定枱，諗住放工去食吓🫣入咗之後見到侍應好好人，放定咗好多調味料俾我慢慢揀😁第一次試，諗住揀啱自己口味嘅經典沙嗲火鍋😋賣相好好而且湯面望落唔會好油❤️肉類方面今次我揀咗招牌手切肥牛🐮超級大盤亦有啲菜可以食下😆色澤好好同埋油脂分配非常均勻！食肉獸嘅我梗係加多一碟新鮮豬腳筋😍 補充下自己啲膠原蛋白😂食落去彈牙有咬口，配上沙嗲嘅肉汁，好幸福哦！總括來說，無論服務同火鍋質素上都高於預期，今晚獨自去偷歡，都食得開懷滿足！同事絕對冇介紹錯，下次一定請佢食返餐😆