藤 (Closed)

旺角入門級別廚師發辦 位於廣華街嘅小小壽司店 位置非常便利 裝潢簡潔日系 餐廳入面設置小小一個長形吧枱 枱下邊有掛鉤比你掛手袋👜 而牆上面亦有衣架可以掛外套🧥 非常貼心 全場大概有10個座位 可以近距離觀賞師傅嘅刀工 由於座位有限 所以主要款待嘅都係有預約嘅客人 ˜”*°•藤&Seng set ($328)•°*”˜呢一個壽司set擺盤精緻得黎仲帶點可愛 因為樓梯形木架上面有唔少得意嘅小動物擺設做裝飾🐧🍄而壽司方面包括有金目鯛 深海池魚 吞拿魚腩 帆立貝 甜蝦 全部都好新鮮🍣 除左壽司 仲有吞拿魚蓉三文魚籽杯 椰菜豆乳湯 同埋賣相精美嘅水信玄餅🌸同熊仔紅豆餅🫘作甜品 ˜”*°•藤之海之惠盛合 ($228)•°*”˜呢個盛合包括六款精選壽司 深海池魚 牡丹蝦 海膽 吞拿魚腩 日本真鯛 同醋鯖魚 真鯛新鮮彈牙不過海膽今日有少少失色 ˜”*°•藤之炙燒壽司盛合($138)•°*”˜同樣一共有六件 包括魷魚 金目鯛 北海道帆立貝 三文魚 左口魚 吞拿魚腩 燒過嘅魚油逼哂出黎 非常之香 而且魷魚仲加左蒜蓉牛油一齊燒🧄🧈 有驚喜🔥