Supreme Steak & Grill

Open Now

Now Closed

今日走過深水埗區呢個平民美食天堂當然要發掘下有咩抵食又高質既餐廳！見到呢一間有扒類及有各款主食提供既餐廳好似幾吸引就同朋友入去試一試。美國頂級西冷牛排扒類有豬牛羊提供，牛扒分3款。今次初嚐就揀左美國頂級西冷牛排試一試水準先。羊及牛都可以按自已喜好選擇3/7/全熟既熟成度，自已填紙落單方便又快捷。西冷牛排屬牛香味濃卻油脂較少的部位，富肉香而肉質又具有彈性。切開西冷，中間露出粉嫩細膩既肉紋，入口有嚼口又不過韌，牛味突出不羶。配上幼細炸薯條香脆可口，帶薯香外在又唔會炸得過油膩。Cold Latte奶香順滑又帶咖啡香,按自己喜好加糖可以自已掌握甜度避免過甜。Tiramisu 共3層層次分明，上下層奶油夾住中間一層咖啡蛋糕，帶淡淡咖啡味唔算濃，個人偏好咖啡味較濃既Tiramisu。奶油入口香滑又唔會好膩，作為餐後甜品剛剛好。