泰然 (順利商場)

Open Now

Now Closed

順利不嬲都係好少餐廳係好食，好難得有一間比較多人食。套餐都有幾多款式可以揀我就揀左泰式海鮮炒金邊粉和泰式乾炒牛河，套餐跟一杯飲品仲有得額外加配小食，揀左月亮蝦餅和泰式酸辣鳳爪沙律🥗，好抵食。泰式海鮮炒金邊粉，配菜有芽菜、豆卜、蝦🦐、魷魚🦑等食物份量充足，金邊粉是比較粗條，加上有花生碎有口感。我加左青檸汁，味道酸酸甜甜好開胃。泰式牛河加多了三色椒，唔會太油膩。泰式生蝦肥美新鮮，亦有紅綠兩款醬汁，如果叫兩人套餐仲有得升級加$68就有。泰式酸辣鳳爪偏辣，喜歡食辣先好叫，鳳爪大隻爽口泰式月亮蝦餅有驚喜，外層有一層好薄的脆皮，餡料彈牙，食得出有蝦肉。最後，食泰國菜必備的甜品芒果糯米飯，芒果🥭甜，椰汁醬好香滑。