食德福海鮮私房菜

Open Now

Now Closed

成日食西餐，今日想食下中餐，搵左食德福海鮮私房菜做晚餐。我地6點半去到，已經有三四枱客人，都幾多客。呢度店長好Nice，推介下招牌菜，會同每枱客人傾計，了解菜式嘅滿意程度，感覺親民。我地叫左例牌鹽水鵝，小炒皇，估唔到中菜店都有生菜包，又試埋先。生菜包，唔會太辣或太重泰式香料味，反而用咗中式嘅方法烹調更岩我口味。小炒皇，裏面有配料十足，蝦、魷魚、腰果、蝦米，炒得好香好惹味。到壓軸出場鹽水鵝，鵝肉半肥瘦，鵝肉都滑嫩，呢種處理方法感覺唔會太油膩。搵到好餐廳真開心。