饞。台式食堂 (廈門街)

Open Now

Now Closed

喺灣仔要快食一餐，見到廈門街新開左間親民簡約台式料理都幾旺場，決定一試，餐廳裝潢以木系為主，感覺清新。餐牌精簡，主打六款台式料理同四款台式麵食：🥢麻辣香酥雞排滷肉飯（+$12）$74經過差不多見到每檯必點，雞扒即叫即炸，可以揀麻辣/咖喱/椒鹽粉，加$12可轉手工滷肉飯/$18可轉手撕走地雞肉飯，外皮鹹香酥脆，麻辣粉+五香粉+九層塔嘅香味香再加點點藥材味，味道層次豐富，配襯滷肉飯一齊食更加滿足。🥢藥膳排骨麵 $76湯底用上人蔘、當歸、七種中藥材料熬製而成，呷一啖已經覺得真材實料，湯底甘甜順口沒有辛辣，豬肋骨肉質鮮嫩，可以沾上特製調味醬，味道更加有層次，台灣陽春面爽口彈牙同藥膳湯底好夾。🥢炸物拼盤 $38三款配料分別有三種唔同嘅口感：四季豆、杏包菇、花枝丸，即叫即炸，鹽酥香味四溢，十分滋味。我哋叫咗兩個主食可以用更餐優惠價叫兩杯飲品-凍蒟蒻球白桃烏龍 （+$12）凍蜂蜜金桔檸檬 （+$14）兩杯味道都調教得不錯，入口清新，開胃解膩。餐廳食物選擇簡而精，出餐時間快，份量足，味道佳，係灣仔區快食又經濟嘅好選擇。