閒日小屋

Open Now

Now Closed

住新蒲崗附近嘅朋友介紹既韓式🇰🇷小食店😋就咁睇，好似係間普通小店，但味道質素都十分高質。🌯韓式飯卷大大條，就咁睇好似好少咁，但其實每條都好粗😂要一口咬就要大大口。味道方面都濃味，應該配合返香港人鐘意重啲口味。試左蟹柳、牛肉同吞拿魚口味。當中自己最鍾意蟹柳口味😍🥬另外佢哋既配菜都十分有韓國風味，泡菜同我係當地食既無分別咁😳🍲伴飯可以自己加入辣椒醬調味😋增加味覺享受🍗韓式炸雞有驚喜🤩炸雞肉質滑溜有雞味，炸粉薄脆，可以話係必須要點既食物🍘香芋番薯波波咬落去口感似年糕，煙煙韌韌，甜度適中😍絕對可以一口氣食幾粒。呢間小店雖然種類唔多，但每個味道都做得好好，絕對可以一試再試。