在家居酒屋 (Closed)

呢間在家居酒屋，都隱隱地世，位置亦唔算太方便，但出品夠哂精緻好味🤤在家七色卷七款卷，用上七款不同刺身同醬汁，別出心裁，每件卷嘅刺身都好新鮮，油甘魚配柚子最出色👍🏻芝麻吉列蝦卷炸蝦炸到脆卜卜，熱辣辣，配上芝麻味頗重嘅飯一齊食，真係停唔到口🤩鹽燒牛舌芯世一嘅牛舌芯，厚切，用上黑椒去調味，燒到外脆內嫩，牛味極重！鍾意食牛舌嘅，點必！👍🏻 我地自己都叫咗兩轉，食咗三串🤣鹽燒雞皮串脆脆脆同脆😂 難得唔係買貨嘅雞皮，仲要好重雞味，推介👍🏻綜合天婦羅🍤有三隻蝦，南瓜，秋葵，雞髀菇，金菇同冬菇，炸到金黃色，炸衣都算薄身，食落都唔太油日式煎餃子🥟嚟到嘅時候，餃子底朝天，驚豔咗一吓，係比較傳統嘅上菜方法，非常欣賞師傅嘅心機，餃子煎得幾香脆，皮薄，餡料都幾充足，可以一試🥰總括而言，佢除咗嘢食好味之外，佢嘅Pʀᴇsᴇɴᴛᴀᴛɪᴏɴ都非常吸晴，好啱打卡，最緊要價錢親民💛