會所1號 大舞臺

Open Now

Now Closed

大鄉里出城首次踏足大舞臺！位侍應阿嬸勁似大雄老母，因為近期有叮噹大電影上畫所以演繹潮流尖啄？我要求白酒，大雄老母比支汽酒我稱係白酒，您識唔識架？我要白葡萄酒，激死我！非常不專業，似茶記兼職，我都明白現時飲食界招聘困難。檢視一下餐單，全中文不太懂啊！高級餐廳何解不是中英文對照？鴻運脆皮乳豬、京蔥雜菌大蝦球、百花炸釀蟹拑、瑤柱金錢伴瓜脯、紅燒花膠雞絲翅、清蒸海石斑、蠔皇鮑魚扣花膠、脆皮吊燒雞、砂鍋海鮮炒飯、參菇海味伊麵、意式泡芙酥、蓮子百合紅豆糕，滿意滿意豐衣足食！全部菜色除甜品外都係由侍應分碟續份端上，唔怕無得食唔洗鬥搶又更加衛生！鴻運脆皮乳豬，配上白麵包大愛！夾饃還是饅頭來的？酒店式服務，所有佳餚分好一份份才送到賓客面前，夠衛生不用搶，不過我食得快兼大食就無用武之地了！鬆軟熱熱的麵包夾著乳豬件入口，狠狠地大啖咬落去！靚靚乳豬可遇不可求，薄脆豬皮搭著咸鮮滑滑瘦肉，油潤而不肥膩！京蔥雜菌大蝦球，不是蝦爽鹽醃明蝦，係天然爽彈充滿海蝦鮮甜味道巨型蝦碌，高質吸引！配菜蜜糖豆、百合、青椒全部爽脆香甜，全部美味出色！百花炸釀蟹鉗，每次飲宴都令我滿心期待！鬆化熱熱新鮮炸起，香噴噴咬落索索聲，輕煙四溢。