來佬餐館 (Closed)

記得以前喺蘭桂坊食過一次。不過之後間嘢摺咗。最近見佢又寄生喺灣仔Red Mr入面。今次去係同一位媽媽朋友。即係話佢係我個仔Playgroup同學的媽媽。我哋一行兩大兩小去。放咗playgroup之後就去食午餐。喺岀面見到一個磅重機，超懷舊，仲要work嘅。只需要$2就玩到。我同阿仔玩咗兩次。到入去，有個男侍應超貼心，見到我哋有小朋友，就俾咗啲紙筆小朋友玩。(不過其實我唔建議阿仔咁快用鉛筆，不過人哋一番好意⋯⋯)食物係好食嘅。本來想坐底慢慢食，可惜阿仔唔生性，食食吓就濁親喺度嘔，所以我哋中途未食完就快快走人。價錢來說，下午茶扺食，不過午餐偏貴。服務好，特別係個男侍應值得一讚，但個女嘅就⋯⋯好似有點嫌棄小朋友囉。環境都算衛生，有點懷舊，所以感覺比較老舊。呢一點潔癖嘅我有點心理作用，感覺不太好。強推佢個來佬汁炒牛河。説穿了其實係瑞士汁炒牛河，成碟嘢上晒色，好靚仔。夠味，唔太甜，又唔太鹹。合我嘅口味。另外燒賣也不錯。黑松露炒飯都好食，不過感覺之前喺中環好似好食啲。