Video
Read full review
2018-07-10
744 views
八個朋友好耐冇見，大家都係港島呢邊做野既，通常呢啲時候都冇人簡食乜咖啦，我諗住 Pizza Express 咁多分店，咁應該差極有個譜啦，但用餐體驗太差了… 令我覺得搞到咁多人陪我一齊食間咁既野，好失禮。我地去呢一日可能因為係星期三，所以唔太多人。理論上，客人唔太多，咁人手應該相對地比較充足？但我地企左係外面好耐都冇人安排我地入座，而入面只有小貓三四隻。最後我地自己自行行入去。menu 自然都係冇比我地，咁我地自己拎埋，簡直係自助式。舉左手幾十年都冇人應，真係等左好耐先終於有個人行埋嚟理我地。但最搞笑既係，佢完全對於多左一枱客呢件事唔感到有咩問題，咁同時亦都可以睇得出佢地溝通唔好。我地嗌左好幾個 pizza 同意粉，正常嚟講應該夠八個人份量（六女兩男）。但上菜個陣真係世界級，佢係未比任何我地餐具、水我地個陣就上左菜，咁…係想我拿手食？跟住仲要我地叫先識拎上嚟。最神奇係佢地依然無歉意，而我講左呢段過程好似少少字，但其實已經係四個字既事。四個字都唔發現自己冇安排人入座、冇比餐具我地…都唔容易。即係，踢一腳先郁一郁個款。個份量，真係正常夠八個人食，有兩個女仔仲要係唔點食野減肥個隻。但全部人食
通常呢啲時候都冇人簡食乜咖啦，
我諗住 Pizza Express 咁多分店，咁應該差極有個譜啦，
但用餐體驗太差了… 令我覺得搞到咁多人陪我一齊食間咁既野，好失禮。
我地去呢一日可能因為係星期三，
所以唔太多人。理論上，客人唔太多，咁人手應該相對地比較充足？
但我地企左係外面好耐都冇人安排我地入座，而入面只有小貓三四隻。
最後我地自己自行行入去。
menu 自然都係冇比我地，咁我地自己拎埋，簡直係自助式。
舉左手幾十年都冇人應，真係等左好耐先終於有個人行埋嚟理我地。
但最搞笑既係，佢完全對於多左一枱客呢件事唔感到有咩問題，
咁同時亦都可以睇得出佢地溝通唔好。
我地嗌左好幾個 pizza 同意粉，正常嚟講應該夠八個人份量（六女兩男）。
但上菜個陣真係世界級，佢係未比任何我地餐具、水我地個陣就上左菜，
咁…係想我拿手食？跟住仲要我地叫先識拎上嚟。
最神奇係佢地依然無歉意，而我講左呢段過程好似少少字，但其實已經係四個字既事。
四個字都唔發現自己冇安排人入座、冇比餐具我地…都唔容易。
即係，踢一腳先郁一郁個款。
個份量，真係正常夠八個人食，有兩個女仔仲要係唔點食野減肥個隻。
但全部人食完之後都覺得唔飽（其實係食完好似冇食咁）
個份量真係好細，講緊係我地已經再 encore 多兩個 pizza 都唔夠食。
除左北京烤鴨個個係好味之外，其他都唔係普通唔好食咁簡單，係就真係唔好味。
總知成件事就好失望，而最可惜既係，我地好耐冇見，一見就食左間用餐體驗咁唔好既餐廳。
唯有續下場再傾下計，食多少少野。
Post