新齋橋 (Closed)

喺觀塘返工嘅友人介紹咗呢間一人燒肉店 佢話呢間餐廳有定食又有放題 見到佢嘅定食都幾豐富 所以就冇嗌放題啦😚極上牛小排 五花腩肉 雞腿肉 牛舌芯呢個套餐滿足到我想一個餐食晒豬牛雞三樣食物 仲送多一份牛舌芯👅 整體肉質唔錯 唔算係好肥 牛小排同埋五花肉都有啲雪花 令到燒出嚟仲好多肉汁🐮 牛舌芯厚度適中 食落口少少煙韌 點埋呢度嘅燒汁就幾夾特上美國西冷扒完全冇諗過佢會咁大塊 因為係原塊扒咁上 所以會比較厚身😮 但係燒完出嚟嘅效果幾好 西冷扒側邊嘅肥膏部分燒完之後好香脆😳 而西冷扒入面仲保持住juicy 如果鍾意食牛嘅話 都幾推介大家嗌呢一份套餐燒肉定食會包括咗白飯 味噌湯 野菜沙律 汽水 同埋甜品 所以都幾豐富😗 白飯嘅話仲可以加錢升級做溫泉蛋木魚紫菜飯㗎 汽水方面就有菠蘿或士多啤梨汽水 都比較特別🥤 入面仲有啲蘆薈粒粒 甜品方面就有雪米糍🍦呢間餐廳係用QR code落單嘅 仲支援好多種電子支付嘅方式 真係簡單好用啊😂