上海一品香菜館

Open Now

Now Closed

好耐無食呢間上海菜，好掛住個酸辣湯同回鍋肉，我地點左小籠包，同三餸一湯，仲有兩個白飯。上海小籠包 $50/8隻好抵食，有8隻好夠喉，熱辣辣，皮薄多湯汁，肉餡都香，係個包頭硬左d。三餸一湯套餐 $240，餸嘅選擇都好多，多人食仲抵。酸辣湯好多料好夠酸，微辣好開胃，暖熱順喉，份量仲好多，有5至6碗。回鍋肉好有鑊氣好香，五花肉份量多，炒到油脂出黎好香，而且勁惹味，超好送飯。蝦仁炒蛋蝦仁大大粒好爽口彈牙，調味到位 炒蛋都好嫩滑，份量滿滿。火丁津白咸味剛好，津白吸左湯汁好味，百葉片幾多，清爽消膩好味。