宇鮨料理

Open Now

Now Closed

喺觀塘返工嘅上班族有福了，又有新餐廳登場，仲係港人最愛嘅日式料理！宇鮨料理係主打日本菜嘅小店，午市定食選擇多，而且價錢一啲都唔貴，性價比極高，絕對會成為另一上班族的食堂。日式咖哩吉列蝦飯日式咖哩普遍都係偏甜，但宇鮨料理出品嘅咖哩係混合咗鮮榨蘋果汁同蘋果醋，令帶有微甜嘅咖哩滲出一種微酸，食落相當驚喜，加上洋蔥紅蘿蔔等蔬菜嘅鮮甜，令呢度日式咖喱嘅味道更加有層次！加上炸到外脆內軟嘅炸蝦同飽滿嘅珍珠米，簡直送飯一流！牛肉壽喜燒定食食牛肉壽喜燒最緊要梗係個湯底啦，味道帶甜嘅壽喜燒汁湯底，加上新鮮嫩滑嘅肥牛，簡直配合得天衣無縫！加上大蔥、洋蔥、什菇等配菜嘅加持，令到湯嘅味道更加鮮甜！