GANTO GELATO

Open Now

Now Closed

我第一次食依間gelato 係係舊店，今次係第二次再食，仲記得舊店要上樓，地方好細，仲要排好長龍，依家搬左新店，雖然冇舊店咁方便，但地方大好多，仲有位可以比客企係度食。今次因為知道出左唔同濃度既抹茶，就專程去觀塘試。去到店後先排隊買左要邊個size，跟住如果想先試下味就同店員講，我主要試味試左15%及20%抹茶，最後我同朋友一人叫左兩款唔同味道。我簡左抹茶3號濃度20%同日本焙茶，而我朋友就簡左玄米茶同豆腐紅糖。4款味道我最中意玄米茶，好清香，真係好似飲緊玄米茶既感覺。抹茶就真係超級濃，偏苦澀，相信抹茶控一定可以滿足到，至於日本焙茶就係預期既味道，都係唔錯既選擇，最後最特別莫過於係豆腐紅糖，真係好似食緊豆腐花咁，又唔會好甜。其實其他味都好想試，不過真係食唔到咁多，唯有等下次。