Video
Read full review
2021-06-21
45 views
喺OPC做完運動，然後就落咗去食飯，呢座大廈越開越多好嘢食，今日就去咗食呢間火鍋店，真味仙廚，主打任飲任食海鮮火鍋，唔講唔知原來呢間餐廳係海港集團旗下嘅，所以同樣都有好多新鮮嘅靚海鮮。一開始先揀選好要肉蟹定龍蝦海鮮拼盤，拼肉蟹價錢$238 ，如果拼波士頓龍蝦$268。然後就開始任飲任食五部曲，先黎五款食材每位一份，而汽水啤酒亦是任飲，亦有自家製嘅薏米水和竹蔗茅根。先上一個刺身拼盤，刺身每人一份，有三文魚，鮑魚，帶子，北寄貝，希靈魚和墨魚，每樣都非常新鮮，三文魚同帶子亦非常肥美。雞煲係任食嘅，香香辣辣嘅雞煲非常開胃，醬汁帶有埋麻香味，辣度啱啱好，雞肉非常入味，肉質結實彈牙，我哋食咗兩煲。食完雞煲之後就會開始打邊爐，值得一讚嘅係呢度打邊爐係會重新上一個湯底，唔似坊間食完雞煲後用清湯加入雞煲內。湯底有三款可以選擇，瑤柱冬瓜鍋，皮蛋芫荽鍋或麻辣湯。我哋點左瑤柱冬瓜鍋，湯底好有誠意，湯頭內有多粒原粒瑤柱，湯頭味道清甜。波士頓龍蝦海鮮拼盤，海鮮拼盤係根據當日嘅時令海鮮而配搭，今日有龍蝦，蝦，貴妃蚌，花甲，龍躉，白鱔，美國筒𧐢等。波士頓龍蝦每人半隻，非常大隻，肉質飽滿有鮮味，食落啖啖肉爽口彈牙，加上
一開始先揀選好要肉蟹定龍蝦海鮮拼盤，拼肉蟹價錢$238 ，如果拼波士頓龍蝦$268。
然後就開始任飲任食五部曲，先黎五款食材每位一份，而汽水啤酒亦是任飲，亦有自家製嘅薏米水和竹蔗茅根。
先上一個刺身拼盤，刺身每人一份，有三文魚，鮑魚，帶子，北寄貝，希靈魚和墨魚，每樣都非常新鮮，三文魚同帶子亦非常肥美。
雞煲係任食嘅，香香辣辣嘅雞煲非常開胃，醬汁帶有埋麻香味，辣度啱啱好，雞肉非常入味，肉質結實彈牙，我哋食咗兩煲。
食完雞煲之後就會開始打邊爐，值得一讚嘅係呢度打邊爐係會重新上一個湯底，唔似坊間食完雞煲後用清湯加入雞煲內。
湯底有三款可以選擇，瑤柱冬瓜鍋，皮蛋芫荽鍋或麻辣湯。我哋點左瑤柱冬瓜鍋，湯底好有誠意，湯頭內有多粒原粒瑤柱，湯頭味道清甜。
波士頓龍蝦海鮮拼盤，海鮮拼盤係根據當日嘅時令海鮮而配搭，今日有龍蝦，蝦，貴妃蚌，花甲，龍躉，白鱔，美國筒𧐢等。
波士頓龍蝦每人半隻，非常大隻，肉質飽滿有鮮味，食落啖啖肉爽口彈牙，加上甘香嘅龍蝦膏令人回味無窮。而其他海鮮味道亦不錯，尤其喜愛龍躉，肥美滑嫩。
每人仲有一份特級安格斯肥牛，肉和脂肪嘅比例大概係6:4，質感唔錯，有少少咬口，唔會太油膩，帶有濃郁嘅牛味。
另外每人仲有一隻特大水餃，可以稱得上係皮薄餡靚，水餃內嘅蝦非常多，另一個係韭菜餃，大大隻亦都做得唔錯。
其他任食配料亦應有盡有，非常豐富，有蔬菜，粟米，蘿蔔，午餐肉，炸魚皮和響鈴。
如果係食肉獸，任食配料中亦有美國肥牛和黑豚肉可以選擇，質素當然沒有安格斯肥牛那麼好，但雪花紋路還是不錯的。
另外，白鱔片和廣島蠔亦可以任食，真心唔錯。
整體來說，食物選擇多元化，用料新鮮，8:15 後入座仲有八折優惠， CP值高。Post
