饗量 (海濱匯)

Open Now

Now Closed

成日食得太Heavy都會想食返啲蔬菜balance番，唔想淨係食沙律菜咁dry，鯊仔誠意推介觀塘呢間自選健康bowl，絕對係瘦身低卡之選~🐟 Omega Squat $118呢個都係佢地精選之一，香煎三文魚配中式沙律菜、紅腰豆同蒔蘿水瓜柳醬，配上亞麻籽南瓜籽，三文魚外皮煎得金黃酥脆，配上黑椒鹹鹹辣辣，與此同時，中式沙律菜同紅腰豆提供清爽口感同豐富營養，蒔蘿水瓜柳醬配上亞麻籽及南瓜籽提升整體口感。🥙 自選組合 $71揀選牛肉餅配沙律菜、南瓜、車厘茄同溫泉蛋，再配上蕎麥麵。牛肉餅口感厚實夠味，雖然略嫌乾咗少少，但同沙律菜、南瓜、車厘茄清爽口感配搭得宜。溫泉蛋蛋黃濃郁，同牛肉餅肉汁融合，蕎麥麵吸入蛋汁，為整道菜帶嚟豐富口感。🐔 Chicken Press $85慢煮雞胸肉配糙米、鷹嘴豆同蒜蓉芥茉醬，慢煮雞胸肉偏嫩滑，配合糙米及鷹嘴豆飽足感。糙米同鷹嘴豆亦為成道菜品增添豐富營養價值，同時亦為成道菜提供口感。蒜蓉芥茉醬味道濃郁，同雞肉及配菜口感融合，為成道菜帶嚟層次感，蒜蓉芥茉醬微辣口感亦增添一絲清新風味。