凱日宴會廳

Open Now

Now Closed

年紀漸大好似越嚟越鍾意飲茶一盅兩件，今日咁啱又同爹d媽咪去觀塘整完d嘢，順便飲下午茶當lunch。點了幾款點心一個炒飯，加壺鐵觀音認真唔錯。脆皮甘荀造型咸水角呢個咸水角造型成個甘荀仔咁，橙色，上面有d芫荽，好得意，層外皮都唔厚，料足，蝦米香。牛肉腸都幾足料，皮薄，牛肉係薄皮下望落去，好吸精，食落腸粉好滑。野菌棉花雞雞肉好嫰滑，魚肚好厚又腍，吸滿湯汁，野菌好香，好味。燒賣飲茶必食，呢度既燒賣蝦肉大大粒，豬肉都足料，加上冬菇，食落爽口，我自己食了2隻，唔錯。龍蝦湯鮮竹卷非一般嘅鮮竹卷，除咗嘅腐皮卷用龍蝦湯沾黎食，食落係唔同d，d湯幾濃厚鮮味，入面既料好似肉粒、甘荀、蝦肉都好多，皮薄餡靚。咸魚雞粒炒飯好足料呀，咸魚咸香，雞肉多多，炒飯粒粒分明唔太油，份量好多，食唔曬，要打包。假日酒樓好多人等位，我地好在啱啱整哂d嘢早黎，下午茶時間黎到啱啱好入到座。呢度嘅食物點心質素唔錯，一定會再嚟。個場地好大，晚飯仲可以打麻雀。