森戶 (官塘立成大廈) (Closed)

森戶係好多地方都陸續開左分店，今次黎到觀塘就試下佢。 去到先發現依家堂食有9折 6點後外賣有85折 Omakase第二位半價tim 一入去店舖環境都幾好，坐左係吧枱度。下午時段去一黎就叫左一個刺身丼，一個壽司拼盤，兩樣燒物分別係手羽串燒同白鱔串。一黎到既係大大碗既極上北海丼，上面已經鋪左滿滿既刺身，有三文魚，吞拿魚腩，帶子，大大隻牡丹蝦等等。吞拿魚腩入口即溶，帶子非常鮮甜，牡丹蝦仲彈牙，樣樣都好好食，好新鮮。壽司拼盤方面有自選12件，揀左北寄貝、立魚、三文魚、甜蝦等等，每件都各有特色，飯仲好夠味道。燒串燒手羽不過不失，香口脆皮，淡淡燒肉既香味。白鱔就比想像中好食，燒到外脆肉嫩，鱔味都好重，啖啖肉，一定要試。