歇腳亭 (福昌大廈)

Open Now

Now Closed

間中會嚟到觀塘區工作, 有時食完lunch都想買下台式飲品邊飲邊做嘢. 而我就冇咩特別話鍾情邊間台式飲品店, 因為每間嘅味道落差都唔會太大, 最緊要位置夠就腳. 歇腳亭飲品款式都仲有唔少係十幾蚊就買到1杯, 算抵飲.凍炭燒咖啡加芝士奶蓋 ($27), 之前飲過好幾次都係熱嘅, 今次失誤咗唔記得講熱定凍, 咁不妨試下凍啦.過往飲熱係最先嘆到頂層嘅芝士奶蓋, 再夾有濃濃炭燒咖啡香. 而凍嘅要用飲筒飲, 變咗先品嚐到咖啡味再隱隱帶出些微芝士奶蓋香, 所以都係熱嘅最好飲!呢度觀塘分店新開仲送咗一張Coupon Leaflet, 分別可以喺今個月凡買任何一杯減$3, 咁又多個理由再幫襯囉~