千歲擔擔麪

Open Now

Now Closed

位於觀塘裕民坊商場嘅❤︎︎千歲擔擔麵❤︎︎係名店✩詠藜園✩旗下嘅新副線，主要承傳✩詠藜園✩擔擔麵，主打食上海菜，店內空間感十足，有間大房可以容納12-15人，好適合開會/聚會，窗外望住園內花草🪴水池，真係好寧靜寫意，呢到嘅一人午市套餐都係$75咋性價比高，茶芥都係$5/位，推薦大家來試吓。❤︎︎詠藜園擔擔麵❤︎︎$43來呢到一定要嘆返碗招牌菜嘅擔擔麵啦，佢地自家製嘅芝麻花生醬超濃郁😋麵條爽彈又有肉香👍🏻必食之選。❤︎︎京蔥牛肉❤︎︎1人餐$75呢個午市一人餐，會跟一個前菜，一碗白飯同湯，必定食得飽👍🏻爽脆嘅京蔥吊出牛肉嘅香味，味濃香口，送飯一流。❤︎︎麻婆豆腐❤︎︎1人餐$75麻辣味岩岩好😋豆腐好滑好軟嫩，呢個菜又係好好送飯。❤︎︎鎮江肴肉❤︎︎前菜入口好似肉味啫喱一樣😆口感軟淋淋的，食而不膩。❤︎︎雞絲粉皮❤︎︎前菜粉皮彈牙順滑，香濃嘅麻醬同花生醬味，雞絲同青瓜份量足料，撈埋一齊食，簡單美味。❤︎︎楊家小籠包❤︎︎$48小籠包即叫即蒸，上枱時重出煙架😍外皮煙韌，餡料爆滿，連埋湯汁一齊食，每一啖都香濃鮮甜。