阿桂老友粉 (Closed)

之前係觀塘番左幾個月工，搵到依間老友粉後，麵粉類已經榮升左心目中頭三位，不過可惜既係地方唔夠近，冇做之後變得好少黎，今次同fd出開觀塘，我又可以同老友聚舊喇！事相隔幾個月，內裡格局依然不然，而門面就多左好多牌，彷似同老友一見如故，好耐冇踏入依個鋪位喇～而我既選擇亦始終如一，不過就嗌多左幾款中意食既菜同個招牌菜，因為朋友都想食多少少，大家share番其實幾抵～乾撈炸醬桂林通粉米線，今次加左芝士腸同銀芽，仲嗌左微辣試試，唔同既就係因為加左辣，所以食落去好香口，而且我一開頭唔係撈晒，所以食到最尾會覺得好辣，而個通心米線同炸醬食落去都好夾又惹味，炸醬偏咸但配埋米線就變得岩岩好，生菜爽甜，而芝士腸則係我中意食既食物haha銀芽既數量都ok，食落清爽！招牌脆皮肉，因為朋友都想食，所以一齊嗌左個燒肉～燒肉切得較薄身，口感軟淋，層皮都好脆身，中間果層好有脂香，食落去幾和味，不錯一食！熱檸蜜，熱度甜度岩岩好，飲落味道唔會啖，我中意拮晒d檸檬，酸中帶甜既感覺好開胃！