Video
Read full review
2019-10-23
114 views
康寧道呢條街其實都算多餐廳，只不過好多時候都做唔長，某幾個鋪位都易手左好多次🤭呢間餐廳既上一手都已經唔記得係乜野餐廳有一次坐車去官塘地鐵站見到咁搶眼既招牌先俾佢吸引左視線😯原來係山西刀削麵皇😮即刻上網睇下食評，呢間餐廳原來係荃灣有兩間分店，官塘係佢地第一間九龍分店可惜個次比較趕時間無試到，終於等到有機會黎光顧啦😀鋪面細小，大約有二十個位左右，職員全部都係後生仔，服務唔錯幾有禮貌👍餐廳除左堂食仲有做某APP外賣服務同埋都有好多街坊過黎買外賣，而堂食亦都已經坐滿哂睇黎餐廳都幾受歡迎喎~應該唔會中伏啦🤟🏻餐牌上有好多款唔同麵食既選擇撈麵有分冷撈同熱撈~湯麵有分麻辣同正常湯底仲有特色冷撈牛肉刀削麵同埋麻醬手撕雞冷撈刀削麵等等....刀削麵唔啱口味仲可以揀米線或者拉麵....真係千變萬化最後我地揀左麻辣刀削湯麵套餐同埋刀削湯麵套餐麻辣個款既餸就揀左豬軟骨+豬頸肉，另一個套餐就揀左溏心蛋+牛展等候期間偷望到廚房職員拎起一大舊粉糰即席刨製刀削麵，真係估唔到餐點好快黎到，都唔洗10分鐘份量比想像中多，有啲驚食唔哂添湯底應該係用牛肉餚製而成，入口清甜，調味唔會過咸，無味精既感覺麵條粗身厚薄剛好，質感帶煙
呢間餐廳既上一手都已經唔記得係乜野餐廳
有一次坐車去官塘地鐵站見到咁搶眼既招牌先俾佢吸引左視線😯
原來係山西刀削麵皇😮
即刻上網睇下食評，呢間餐廳原來係荃灣有兩間分店，官塘係佢地第一間九龍分店
可惜個次比較趕時間無試到，終於等到有機會黎光顧啦😀
鋪面細小，大約有二十個位左右，職員全部都係後生仔，服務唔錯幾有禮貌👍
餐廳除左堂食仲有做某APP外賣服務同埋都有好多街坊過黎買外賣，而堂食亦都已經坐滿哂
睇黎餐廳都幾受歡迎喎~應該唔會中伏啦🤟🏻
餐牌上有好多款唔同麵食既選擇
撈麵有分冷撈同熱撈~湯麵有分麻辣同正常湯底
仲有特色冷撈牛肉刀削麵同埋麻醬手撕雞冷撈刀削麵等等....
刀削麵唔啱口味仲可以揀米線或者拉麵....真係千變萬化
最後我地揀左麻辣刀削湯麵套餐同埋刀削湯麵套餐
麻辣個款既餸就揀左豬軟骨+豬頸肉，另一個套餐就揀左溏心蛋+牛展
等候期間偷望到廚房職員拎起一大舊粉糰即席刨製刀削麵，真係估唔到
餐點好快黎到，都唔洗10分鐘
份量比想像中多，有啲驚食唔哂添
湯底應該係用牛肉餚製而成，入口清甜，調味唔會過咸，無味精既感覺
麵條粗身厚薄剛好，質感帶煙韌，唔會過淋
牛展有大約5-6片，肉質好鬆軟，唔會好硬好鞋
溏心蛋係一隻開兩邊，做到預期中既味道，滷得好夠味
麻辣豬軟骨+豬頸肉
14 views
0 likes
0 comments
然後就黎到麻辣湯底套餐啦
原來個麻辣唔係落係湯底，而係另外用碟鋪上麻辣醬油、黑醋、辣椒碎同蒜粒，望落好似無咩威脅咁...但後勁強勁!!
不過都幾香幾惹味，配肉類係幾唔錯~鐘意食辣既真係唔好錯過
豬軟骨都有三大塊，但軟骨部份唔係煮到啫喱咁既質感，不過個質地係可以咬碎吞到個種~只係個人口味黎講鐘意啫喱質地個種
豬頸肉就應該係拖過油炸過既，份量都算多，爽口既質感，唔難咬
碗麵食左8成已經覺得飽飽地，不過為左唔想浪費食物，都有清哂佢
建議胃口唔太大既人可以叫佢地少麵，唔好做大嘥鬼呀
Post
