Video
Read full review
2022-12-02
116 views
店舖門面用咗非常搶眼嘅黃色，唔驚搵唔到😆。但留意返觀塘店只做外賣，想堂食就要到沙田分店啦。以外賣店嚟講食物種類都算多，飯類、麵食、地道小食等等每樣至少五至六款。當日天氣剛好轉涼，特別想食碗熱辣辣嘅#台灣手工湯麵 😝，然後發現套餐連嘢飲都只係貴單點$10蚊🙌🏻，所以最後轉咗套餐同追加小食：🍖#南投紅燒牛腩 單點($62)/套餐($72)湯同麵有做分隔，唔怕拎到返公司浸到淋晒🫶🏻。湯底有一層紅油係面，飲到微微番茄味。牛腩另外有一小碗裝滿，差唔多有成十舊，有幾舊大少少嘅會較為煙靭，其他都好腍。🐔#士林鹽酥大雞腿 單點($60)/套餐($70)奶白色嘅湯底估唔到會咁濃郁，入面仲有幾片滷肉😮。麵質軟硬程度剛剛好，而且做到掛湯嘅效果。雞腿皮脆肉嫩，咬落啖啖肉充滿肉汁。🐽#懷念鹽酥雞 (+$14)鹽酥雞外層酥脆唔會太油，份量亦俾得好足，餐廳仲落咗超多九層塔👍🏻，個人認為$14蚊抵加。🦐#鹽蒜四季豆 (+$14)鹹鹹香香好有咬口，每一啖都好爽脆😙，不過份量就冇鹽酥雞咁澎湃。麵食套餐附冷泡茶一樽：🍊#油切綠茶 原價($22)(油切係指阻隔同減少油脂吸收) 綠茶飲落非常清香，確定做到去油解膩嘅功效✨。🍇#
店舖門面用咗非常搶眼嘅黃色，唔驚搵唔到😆。但留意返觀塘店只做外賣，想堂食就要到沙田分店啦。以外賣店嚟講食物種類都算多，飯類、麵食、地道小食等等每樣至少五至六款。
當日天氣剛好轉涼，特別想食碗熱辣辣嘅#台灣手工湯麵 😝，然後發現套餐連嘢飲都只係貴單點$10蚊🙌🏻，所以最後轉咗套餐同追加小食：
🍖#南投紅燒牛腩 單點($62)/套餐($72)
湯同麵有做分隔，唔怕拎到返公司浸到淋晒🫶🏻。湯底有一層紅油係面，飲到微微番茄味。牛腩另外有一小碗裝滿，差唔多有成十舊，有幾舊大少少嘅會較為煙靭，其他都好腍。
🐔#士林鹽酥大雞腿 單點($60)/套餐($70)
奶白色嘅湯底估唔到會咁濃郁，入面仲有幾片滷肉😮。麵質軟硬程度剛剛好，而且做到掛湯嘅效果。雞腿皮脆肉嫩，咬落啖啖肉充滿肉汁。
🐽#懷念鹽酥雞 (+$14)
鹽酥雞外層酥脆唔會太油，份量亦俾得好足，餐廳仲落咗超多九層塔👍🏻，個人認為$14蚊抵加。
🦐#鹽蒜四季豆 (+$14)
鹹鹹香香好有咬口，每一啖都好爽脆😙，不過份量就冇鹽酥雞咁澎湃。
麵食套餐附冷泡茶一樽：
🍊#油切綠茶 原價($22)
(油切係指阻隔同減少油脂吸收) 綠茶飲落非常清香，確定做到去油解膩嘅功效✨。
🍇#芙香蘋果茶 原價($22)
只係聞一下已經好香蘋果味，味道甜甜地易入口😍。
總括嚟講，我覺得食物味道同份量都拿捏得幾好，好可惜今次冇叫飯類，下次有機會再試試。
Post
