Video
Read full review
2022-01-08
1586 views
觀塘少見日系咖啡店 和風all day 係咩料?觀塘美食眾多，而且又喺年青人嘅創業之地，呢句野我已經講過幾百萬次，今次去到呢間favilla，就係一個日式咖啡店。 favilla至今已經有四間分店，餐廳位於開聯工業大廈，之前賣黃色口罩而被告兩名董事，口罩上面仲寫著not make in Chxxx。 餐廳裝修呈現和風風格。要經過一條貼滿著相片嘅走廊先到餐廳，相片係乜就自已去睇啦。入面以木系風格為主，有一個日式竹簾嘅牆壁。擺位算係寬敞，坐得舒服🤩。 餐牌主要有和/西式all day breakfast，日式定食，烏冬，仲有一個用木板刻成嘅咖啡menu，+$22就有是日蛋糕😋。 慢煮封門柳定食$116(Lunch menu) 價錢算係正正常常啦，牛柳都只得$100。望落就的確係幾大舊，cp值高。配上充滿著蔬菜嘅麵豉湯同薯蓉，薯蓉入面有D榛子芝麻青瓜，偏向清淡，蘑得唔算幼細，仲有少少薯粒，希望佢更加creamy/更多奶香🤔。 據說一隻牛只有600g封門柳，極度稀罕，而呢隻就片得厚身，薄透。入面仲有少少嫩红色，但旁竟然係凍嘅，口感冇想像中咁軟嫩無比，有少少韌，好在仲有牛味，但同期望有少少落差😑
觀塘美食眾多，而且又喺年青人嘅創業之地，呢句野我已經講過幾百萬次，今次去到呢間favilla，就係一個日式咖啡店。
favilla至今已經有四間分店，餐廳位於開聯工業大廈，之前賣黃色口罩而被告兩名董事，口罩上面仲寫著not make in Chxxx。
餐廳裝修呈現和風風格。要經過一條貼滿著相片嘅走廊先到餐廳，相片係乜就自已去睇啦。入面以木系風格為主，有一個日式竹簾嘅牆壁。擺位算係寬敞，坐得舒服🤩。
餐牌主要有和/西式all day breakfast，日式定食，烏冬，仲有一個用木板刻成嘅咖啡menu，+$22就有是日蛋糕😋。
慢煮封門柳定食$116(Lunch menu)
慢煮封門柳定食
$118
126 views
0 likes
0 comments
價錢算係正正常常啦，牛柳都只得$100。望落就的確係幾大舊，cp值高。配上充滿著蔬菜嘅麵豉湯同薯蓉，薯蓉入面有D榛子芝麻青瓜，偏向清淡，蘑得唔算幼細，仲有少少薯粒，希望佢更加creamy/更多奶香🤔。
據說一隻牛只有600g封門柳，極度稀罕，而呢隻就片得厚身，薄透。入面仲有少少嫩红色，但旁竟然係凍嘅，口感冇想像中咁軟嫩無比，有少少韌，好在仲有牛味，但同期望有少少落差😑。
牛肉下面有D汁醬(類似照燒汁)，食落偏甜，食到有蜜糖嘅甜美，醬油嘅咸香，為牛肉帶來更多風味🤫。一碟淡味醬油喺旁邊，但就好多餘。沙律菜淋上香甜薄身嘅麻醬。
和風全日早餐$128
和風全日早餐
$128
71 views
0 likes
0 comments
第一次見早餐入面有鳗魚，所以就叫咗黎試吓🤯。欣賞佢真係有擺盤嘅，唔係求其扔D野落去嗰種。
鰻魚size 都幾大，入面係有肉嘅(有次食過得塊皮嘅鳗魚)。 肉質鮮嫩，無骨，有少少烤過嘅炭香，有肉味，皮位黏而彈牙，有韌性，醬汁濃中帶甜，唔會搶走魚味，呢嗰鰻魚都幾高分😛。
炒蛋用上日本蛋，炒得嫰滑，柔軟，生熟程度理想，蛋入面加咗麵豉，另佢有層咸香，同蛋搭配得好好，但就有少少油，並非大問題😝。
香腸較為幼細，但具有特色。豬肉咸而香濃，裏面有好多香草，帶出清新嘅感覺，外皮有少少蜜糖嘅香甜，有少少似台灣夜市香腸，欣賞餐廳喺香腸方面都帶有特色👍👍。
Sourdough要加$8🤑，切得厚身，有用牛油烘過，帶來脆感。外皮有好多麵粉，聞落冇酸味。入面嘅氣孔微細，冇任何酸味，但都鬆軟嘅，只係正常嘅白麵包🥴。
呢個沙律就用咗黃芥末調味，甜中帶酸，有少少種籽嘅顆粒感。我個人就鍾意哩個全日早餐多啲，封門柳就有待改進😌。
Post
