Moreish & Malt (鴻圖道) (Closed)

與友人午飯時間想食得悠閒啲選擇左呢間西餐廳,預先book左枱所以一入到去已經好快安排座位.頭盤先黎意大利餐包配黑醋橄欖油,麵包好鬆軟好香. 菠菜忌廉湯好濃菜味, 唔會感覺好稀, 蟹肉沙律新鮮開胃. 主菜點左燒雞胸同豬肉絲豬狗, 雞胸大大塊夠滑絕對夠飽, 但略嫌唔夠味. 大熱狗就塞到滿滿嘅豬肉同紫椰菜絲, 豬肉絲有少辣好開胃但又唔會覺得膩, 薯條又炸得剛剛好唔會燶, 頗滿意的一餐, 侍應招呼亦好有禮貌, 可以返轉頭嘅一個選擇.