Give Me 5 (Closed)

星期六約咗朋友去觀塘食晚飯，一齊到Give me 5 試佢地既半自助晚餐。半自助晚餐任飲任食兩小時， 每人可以自選一款主菜，今次我哋揀咗澳洲肉眼扒8安士配黑菌汁 & 法式寶雲酥羊架， 自助嘅食物包括有生蠔，凍蟹，翡翠螺，青口，凍海蝦，刺身，沙律，餐湯，甜品，飲品等等。 價錢方面星期日至四每位$298+10%，星期五至星期六及公眾假期每位$328+10%。蒜蓉包一般， 蒜蓉味道不是太出。牛扒我哋叫全熟， 肉味一般。羊架嘅上面佈滿麵包糠，感覺蓋咗羊嘅味道。青口都算新鮮即開生蠔但係要排隊每人限攞兩隻，如果想再食就要出去再排隊， 不過排隊條龍都幾長。餐廳環境舒適，店員服務也可以，這裏還有桌球枱提供，整體質素ok！