掌壽司 (Closed)

午飯時段嘅觀塘任何餐廳都爆曬棚，想搵到好食嘅食肆其實可以向工廈埋首！老豆難得來觀塘找我食午飯，就帶佢食佢最鍾意嘅刺身。駱駝漆大廈絕對是活化工廈的成功例子，食肆林立，又有很多新潮商店。掌壽司內部裝潢寬敞，有壽司bar枱又有包箱，而且情調一流，適合聚會可以和朋友促膝長談。老豆點了lunch set A精選刺身定食，三文魚係我和老豆至愛，新鮮厚切，味道濃郁；油甘魚雖然不及冬天是吃的肥美多油，現在的少點油，反而肥而不膩，入口即溶；吞拿魚色澤鮮紅帶油光，軟滑口感，魚味清甜；簿切金目鯛雖說不是港人常吃嘅魚生，油脂較少，但我喜歡肉質細膩，鮮美而冇腥味；牡丹蝦得一只，老豆吃完拋低句：「夠哂甜！醬油都唔洗點！」我就點了lunch set G網燒黑毛和牛定食，份量適中，鋪滿了櫻花蝦和紫菜，又有醃黃瓜和芽菜中和肉味。網燒和牛片都水準以上，少脂肉味十足，肉汁和燒汁交替口中，勁開胃！冷泡咖啡，果然喝到淡淡嘅堅果香，但咖啡味較輕，作餐飲都是不錯嘅選擇，不會喧賓奪主，遮蓋食物味道。星期一至四中午有7折，其實價錢相對食物非常抵，難得吃刺身就要揀一間有保證的！