The BASE (Closed)

今日同男朋友揀左間工廈西餐食個brunch，門面企理乾淨，仲整得幾靚。可以係門口睇下岩唔岩食先入去，我地好快已經搵到我地想食既野。<炙燒煙三文魚配黑松露賓尼迪蛋，法式牛油多士，$85>egg benedict都幾好味，法式多士好香脆。配上煙三文魚、蛋同雜菇，再加上蛋黃醬同少少黑松露點綴。<德國式烤焗牛油班戟 海鹽焦糖野莓味配雲尼拿雪糕，$88>烤焗牛油班戟味道不錯，加上用焗盤上，夠哂熱辣辣。唯一美中不足係佢有輕微肉桂味，我本身唔鍾意肉桂味，所以我就麻麻地。不過男友就好鍾意，食哂成個班戟。<法式芒果茶>由茶包沖既法式芒果茶，有淡淡既芒果香，不錯！<凍特濃朱古力>呢杯朱古力好特別，我覺得濃度可以自行調教，想要濃郁啲可以攪勻啲，想淡味啲就唔好攪咁勻。我就鍾意濃啲，攪到好勻，飲到底都唔會有粉感，好味。加上佢杯朱古力個賣相都好靚，絕對係打卡必備。