Video
Read full review
2020-06-09
607 views
觀塘可以話係香港 Café、咖啡店嘅集中地，尤其工廠區、工廈入面有好多隱世小店，每一間都充滿特色，打卡歎咖啡一流！最近友人就推介我試下呢間以音樂作招徠的「deFoodies」，Café 位於勵業街天輝工業大廈 1 樓，由港鐵牛頭角站 B6 出口步行過來，亦只是 2 分鐘路程，交通挺方便。咖啡室地方頗大，佔地約一千呎，環境寬敞。餐廳分兩面，其中一面為出租辦公室，而另一面就是 Café。好鍾意用餐區入面嘅梳化座，以粉色系為主，淡雅得來又夠清新脫俗，置身其中，令人心情特別愉快！見到入面有專放樂器的舞台，據店員稱，餐廳不時會有歌手或者組合演唱，間中更會有藝人係度開 Show 表演，另外亦有提供私房菜同到會服務。拿了餐牌細看，食物選擇不多，以輕食為主，除了有一系列法式三文治外，另外亦有沙律、龍蝦湯、沙冰及即磨咖啡等供應。點咗兩個 Superbun，黑松露蟹肉醬 ($58) 同慢煮德國鹹豬手 ($58)，另外再加咗兩杯沙冰。兩個包都好有分量，未食已經聞到陣陣香味。包身烘得外脆內鬆軟，咀嚼時更帶幾分韌勁，麵粉香十足。蟹肉混合咗酸紅洋蔥同日式芥末醬，味道好獨特，蟹肉夠曬鮮甜 Juicy，蟹味十足，配搭
最近友人就推介我試下呢間以音樂作招徠的「deFoodies」，Café 位於勵業街天輝工業大廈 1 樓，由港鐵牛頭角站 B6 出口步行過來，亦只是 2 分鐘路程，交通挺方便。
咖啡室地方頗大，佔地約一千呎，環境寬敞。餐廳分兩面，其中一面為出租辦公室，而另一面就是 Café。好鍾意用餐區入面嘅梳化座，以粉色系為主，淡雅得來又夠清新脫俗，置身其中，令人心情特別愉快！
見到入面有專放樂器的舞台，據店員稱，餐廳不時會有歌手或者組合演唱，間中更會有藝人係度開 Show 表演，另外亦有提供私房菜同到會服務。
拿了餐牌細看，食物選擇不多，以輕食為主，除了有一系列法式三文治外，另外亦有沙律、龍蝦湯、沙冰及即磨咖啡等供應。
點咗兩個 Superbun，黑松露蟹肉醬 ($58) 同慢煮德國鹹豬手 ($58)，另外再加咗兩杯沙冰。
兩個包都好有分量，未食已經聞到陣陣香味。包身烘得外脆內鬆軟，咀嚼時更帶幾分韌勁，麵粉香十足。
蟹肉混合咗酸紅洋蔥同日式芥末醬，味道好獨特，蟹肉夠曬鮮甜 Juicy，蟹味十足，配搭埋啲醬料，令味蕾有新驚喜。
豬手經過慢煮，食落好有口感，又脆又軟，配埋芥辣蛋黃醬，甜中又點微嗆，滋味十足！旁邊的沙律菜，食味亦不俗，夠新鮮之餘，食落亦相當清爽。
凡惠顧 Superbuns 可以優惠價購買飲品，見餐牌有 2 款唔同口味的沙冰供應，包括菠蘿桃番石榴果汁沙冰 (+$18) 同藍莓士多啤梨蘋果汁沙冰 (+$18)，就每樣點一杯。兩杯飲料均用上新鮮水果鮮榨而成，飲落爽甜冰凍，飲完簡直透心涼，啱曬而家悶熱天氣。下次經過開呢頭，會再嚟試下其他包款。
Post
