喵一下 (Closed)

無意中發現到呢間餐廳, 一開始仲以為有真嘅貓貓, 不過即使無貓貓, 都有好多唔同嘅貓貓裝飾。餐廳裡面擺放咗好多書, 亦有唔同嘅綠色植物, 枱與枱之間有好舒適嘅距離, 唔會坐到密麻麻。另外, 因為係一間寵物友善🐾嘅餐廳, 我去當日有隻狗狗太興奮不停吠, 如果好驚小動物就可能要考慮一下。🥢壽喜燒牛肉拉麵套餐配有芝士獅子狗, 菇菇, 芥末菠菜, 麵豉湯 (湯入面有一朵用豆腐雕嘅花, 好精緻) , 同甜品。壽喜燒湯底香濃, 味道同平時食壽喜燒差不多。牛肉因為煮得太耐變得有點乾身, 有點可惜。拉麵與壽喜燒呢個組合有少少唔襯, 所以味道上有少少格格不入嘅感覺。🥢薑汁燒豚肉便丼套餐一樣配有芝士獅子狗, 菇菇, 芥末菠菜, 麵豉湯同甜品。豚肉燒得很香口, 肉質軟腍, 加上一隻生雞蛋, 令口感更滑更順。🥢八爪魚丸外脆內軟, 醬汁味道剛好, 如果要挑剔, 只可以說八爪魚太細粒。🥢拿鐵咖啡(熱)有靚靚嘅朱古力拉花, 咖啡香濃幼滑。整體嚟講, 只要唔 encore壽喜燒牛肉拉麵就可以了。😝