秋意 (成業工業大廈)

Open Now

Now Closed

朋友喺觀塘返工，並推介我工廈嗰邊有間唔錯嘅外賣店。外賣店名叫「秋意」，估唔到裝修同樣有意境🍂。呢日過開嚟觀塘做嘢就一於試吓。小店經營無耐，但已經不乏捧場客👍。老闆同店員均非常友善，並主動推介招牌菜。餐廳主打便當🍱，不過菜式就偏向中式同川辣，幾特別。流晒口水雞便當($59)，唔好睇佢係一個普通飯盒，但其實都幾豐富㗎。🐔雞同口水醬分開上，所以可以自行調節辣度，而口水醬本身就微辣微酸，唔會過火🌶。雞肉好嫩滑，並富有彈性，去骨亦去得好乾淨。白飯面頭灑上飯素，令佢變得無咁單調。同時，便當附上幾款配菜，例如有糖心蛋、沙律菜同雪耳雲耳等。花膠燉湯(跟餐$48)，燉湯超有水準😋，絕對係意料之外。燉湯經過六小時熬製，煮至奶白色，夠晒火候之餘，仲好足料添。湯品有花膠、雞腳同瘦肉等可供食用，飲完非常滿足，感覺滋潤養顏。總括嚟講，呢間工廈外賣店幾高質😍，從便當嘅味道、食材、賣相同菜式設計，你就會感受到廚師有幾專業，出品絕對係誠意之作。如果喺觀塘返工嘅朋友，不妨嚟幫襯吓，相信唔會令你失望。