哈豆

Open Now

Now Closed

今日想食台灣菜，就search 下有咩好介紹。見到呢間”哈豆”款式幾多，幾吸引。原來有兩間分店，成業街呢間價錢比較親民😆一入餐廳見到一幅長長的壁畫，全部都係台灣藝人，畫得好靚好似😁👍🏻周圍都放左好多台灣電影的海報，幾有特色。鹹酥雞香腸麻辣乾拌麵$66 面頭有炸蒜，菜脯，半隻滷菜，青菜，肉燥同麻辣醬。所有野撈埋一齊食幾香口，肉燥味道吾係好濃，幾岩我，麻辣醬吾太辣，麻麻香香都吾錯😋鹹酥雞細細粒一淡一粒好好食🤤炸粉薄吾油膩。台式香腸圓碌碌有兩舊，肥瘦適中，好有口感😋鹹酥雞肉燥乾拌麵$62兩款拌麵原來差不多，只係冇麻辣醬😆肉燥醬就多d。香酥腐皮蝦卷$48 呢個超級推介😍好香蝦鮮味，淡淡蝦膠，夾住少少芹菜，爽爽地好有咬感。仙草芋圓配雪糕$48三色芋頭好Q彈, 煙煙韌韌，仙草香滑，加埋香芋雪糕，甜絲絲又透心涼😋青蛙撞奶套餐加$18呢個其實就係黑糖，珍珠加鮮奶😆黑糖味好香濃，好好飲。珍珠比平時的細粒少少，口感煙韌。豆漿紅茶套餐加$4見到呢個係招牌飲品，用左豆漿代替左奶精粉，健康無負擔，好岩我，飲落有淡淡的豆漿味仲有茶香味😍總括來說，呢間台式料理餐廳價錢好大眾化，食物出色，裝修都台灣味濃，好有特色。