Video
Read full review
2022-11-11
682 views
今次同屋企人食飯，成日去酒樓食來食去都係果啲，今次想特別啲！帶左家人去依間私房菜食飯。依間位於工廈嘅榮哥廚房雖然唔係開喺熱門地區，但食物質素值得回味！豐富前菜：前菜係每人一份，剩係個擺盤都落足心思，見到咁靚咁精緻，梗係影多幾張相打卡喇！本地水耕沙律菜伴芝麻醬 榮哥自家甜酸齋雙色墨魚仔茶薰流心蛋伴黑魚子醬配厚切茄子首先沙律菜新鮮，唔會有種放左好耐嘅感覺，都唔會有多餘水份喺上面，當然蔬菜配芝麻醬無得輸，係好好嘅開胃菜。甜酸齋面筋唔太稔恰到好處，都好吸到酸甜汁。墨魚仔有一款辣一款芝麻，都係好好嘅開胃小食。茶薰蛋有驚喜，首先要做溏心已經唔易，佢帶有果種煙薰味好濃，好特別，但係又唔過於咸 配埋個茄子帶清爽感覺，前菜已經令我好開心🥳湯：原鼎海底椰椰子無花果燉鷓鴣黑毛豚肉湯有啲似清雞湯咁濃郁，但係無咁油膩，從未飲過鷓鴣依種食材煲嘅湯，有啲新奇。都幾大煲，可以一人飲兩碗左右，仲有侍應哥哥一路好貼心咁幫我地加湯。主菜：蝦球水芙蓉好有趣嘅一道菜，廚師喺碟邊砌左朵花仔，配上淺黃色甘荀汁，又係賣相好精緻嘅一道菜，蒸蛋白配濃稠甘荀汁，清清地帶點甜，軟身又滑入口即溶可以直滑落喉嚨咁。每人一碗仲有一隻蝦，新鮮爽甜，
37 views
0 likes
0 comments
今次同屋企人食飯，成日去酒樓食來食去都係果啲，今次想特別啲！
帶左家人去依間私房菜食飯。
依間位於工廈嘅榮哥廚房雖然唔係開喺熱門地區，但食物質素值得回味！
榮哥自家甜酸齋
23 views
0 likes
0 comments
茶薰流心蛋伴黑魚子醬配厚切茄子
40 views
0 likes
0 comments
豐富前菜：
前菜係每人一份，剩係個擺盤都落足心思，見到咁靚咁精緻，梗係影多幾張相打卡喇！
本地水耕沙律菜伴芝麻醬
榮哥自家甜酸齋
雙色墨魚仔
茶薰流心蛋伴黑魚子醬配厚切茄子
首先沙律菜新鮮，唔會有種放左好耐嘅感覺，都唔會有多餘水份喺上面，當然蔬菜配芝麻醬無得輸，係好好嘅開胃菜。
甜酸齋面筋唔太稔恰到好處，都好吸到酸甜汁。
墨魚仔有一款辣一款芝麻，都係好好嘅開胃小食。
茶薰蛋有驚喜，首先要做溏心已經唔易，佢帶有果種煙薰味好濃，好特別，但係又唔過於咸 配埋個茄子帶清爽感覺，前菜已經令我好開心🥳
原鼎海底椰椰子無花果燉鷓鴣黑毛豚肉湯
40 views
0 likes
0 comments
湯：
原鼎海底椰椰子無花果燉鷓鴣黑毛豚肉湯
有啲似清雞湯咁濃郁，但係無咁油膩，從未飲過鷓鴣依種食材煲嘅湯，有啲新奇。
都幾大煲，可以一人飲兩碗左右，仲有侍應哥哥一路好貼心咁幫我地加湯。
蝦球水芙蓉
28 views
0 likes
0 comments
主菜：
蝦球水芙蓉
好有趣嘅一道菜，廚師喺碟邊砌左朵花仔，配上淺黃色甘荀汁，又係賣相好精緻嘅一道菜，蒸蛋白配濃稠甘荀汁，清清地帶點甜，軟身又滑入口即溶可以直滑落喉嚨咁。
每人一碗仲有一隻蝦，新鮮爽甜，雖然都好大碟但好快就食哂。
油浸時令鮮魚
19 views
0 likes
0 comments
油浸時令鮮魚
今次食嘅係馬友，開邊炸到成條魚都炸到脆卜卜，香口惹味但又唔係太重油膩感，魚肉嫩滑，滿足！
蜜椒比利時杜洛克 StLouis橄欖豬肋骨
多層次嘅一道菜，香甜帶醋味，但係又唔會好似糖醋排骨咁重酸味，味道平衡得好好，而豬肋骨唔會太多脂肪搞到成口油咁，反而豬肉嘅味道都好出，一人一件實在係唔夠喉，意猶未盡。
招牌茶王薰雞
28 views
0 likes
0 comments
招牌茶王薰雞
雞味有好香既菜香味, 而且外皮炸得非常香脆, 咬落好啖啖油香, 而且雞肉完全唔鞋身, 非常出色.
魚湯有機時令鮮蔬
27 views
0 likes
0 comments
魚湯有機時令鮮蔬
菜苗鮮嫩唔使講。份量都唔少，食得多肉之餘依餐都有足夠菜食。
農坊獨頭糖心黑蒜炒飯
29 views
0 likes
0 comments
農坊獨頭糖心黑蒜炒飯
炒飯乾身，仲有帶子喺入面，一定唔係HEA既炒飯，初時以為得面頭有黑蒜，原來炒飯都有一粒粒黑蒜，黑蒜係爽甜嘅，令到食到半飽嘅我地都食得好開胃。
黑芝蔴福元湯圓
33 views
0 likes
0 comments
時令甜品：
黑芝蔴福元湯圓
呢款福元湯圓係超級市場可以買到, 質素唔洗擔心, 超級香濃既芝麻香味, 同埋最緊要係流心,一咬落去絕對有驚喜, 配埋個薑湯為今晚既聚會畫上完美既句號！
我地4個人去食人均消費大概每人$450左右，以私房菜黎講真心唔算好貴，廚師處理食物嘅質素可以以5星酒店級嘅級數黎相比
環境上好舒適，服務夠完全體貼，屋企做節食飯都會考慮再黎食多幾次
蜜椒比利時杜洛克 StLouis橄欖豬肋骨
25 views
0 likes
0 comments
Post
