Papa (Closed)

觀塘工廈好多美食, 原來行到偉業街餐廳都唔少，仲有專做外賣嘅，今晚去咗 PAPA 買外賣食。呢度價錢好實惠，雜莓🍓煙三文魚沙律都係$52，餐廳食既話百幾蚊仲要加一。沙律🥗材料好豐富，新鮮既沙律菜、 健康嘅士多啤梨🍓同藍莓，仲有唔少嘅煙三文魚。 好欣賞個沙律醬汁，係士多啤梨味道，酸酸甜甜好開胃。紐西蘭鱈魚🐟柳飯，魚柳大大件，煎得香口， 仲有好多甘筍仔，好健康呀。番茄🍅芝士🧀香脆薄餅🍕，餅底好脆口，番茄juicy爽口， 仲有好多芝士🤤。