高興 (Closed)

觀塘真係一處令人又愛又恨嘅地方，恨嘅係好多人好擁擠，但又有好多特色餐廳，令人不得不愛。今日同朋友上完堂，嚟咗呢間名為「高興」嘅餐廳，諗住高高興興食餐好嘅。我地5個人嗌咗4人餐，menu可以睇返其他飯友嘅圖，竟然都夠食！牛油果鮮蝦墨西哥片推介程度墨西哥片酥脆，最正係牛油果鮮蝦醬真心特別，但又出奇地夾墨西哥片，食到我地好想添醬黑松露醬粗薯條推介程度不過不失，黑松露醬同想像中差唔多，墨西哥片唔夠醬點嘅時候，點黑松露醬都好夾架。紐西蘭肉眼扒推薦程度相比起其他食物，佢唔係特別突出，但係熟度啱啱好，食落去唔會柴。海鮮意大利粉推薦程度一開始嘅賣相有少少似忌廉湯，但下面啲飯都好有芝士味，海鮮如果多一兩粒帶子就好了蕃茄菠菜芝士意大利雲吞推薦程度蕃茄醬好濃味，意大利雲吞都幾好食，一人兩粒唔會「漏」檸檬忌廉楓糖pancake推薦程度一開始見到pancake上面有塊檸檬有少少嚇親，但係出奇地夾，唔會太酸。飲品沙律兩杯沙冰，一杯抹茶拿鐵，不過不失。柚子大蝦沙律都係正正常常。今晚佢冇限時，我地五個人真係食到好高興！