Return Coffee House (Closed)

星期日放假同家人到了觀塘區走走。因為一早就出左去，黎唔切在家自己手沖咖啡，午餐後咖啡癮發作，一定要去搵咖啡飲！在觀塘搵咖啡店一定要走到鴻圖道那邊。雖然離APM比較遠，但那邊有一兩間都是值得行過去的。來到了工廠區內，裝修比較工業風的Return Coffee。睇一睇Menu，決定叫少少甜點食先。Fruity Pancakes，生果不錯，但pancakes較實，不太鬆軟。French Toast 新鮮熱騰騰，非常吸引。半熔的牛油再加上糖漿。好好食！非常邪惡😈Return的咖啡是自家炒的，Barista都非常熟悉自家咖啡的風味。同行4人叫左3個hand drip coffee。揀左分別是Ethiopia, Sun dried Costa Rica & Indonesia。這次的Ethi 酸味較突出，風味像檸檬茶。甜度比較唔明顯。溫度凍啲較好飲。這次的Costa Rica 茶感較重，酸甜唔突出。而Indonesia風味平平，冇太大特色，像一杯淡淡的紅棗茶。整體而言，都是非洲豆最好飲。