Video
Read full review
2018-09-15
107 views
自從上次朋友介紹過喺工廠區有好多好嘢食之後，我就成日去工廠區發掘新嘢，希望可以尋得珍寶！ 今次又畀我搵到間正嘢， 餐廳位於觀塘駱駝漆大廈五樓，專係食串燒。見到門口個牌都好多唔同款式，價錢又經濟實惠。餐廳都有十幾張檯，起初都有幾張吉檯，轉眼間已經爆晒，估唔到工廠區都有咁多人，相信必定係好嘢！啲串燒一啲都唔貴，十零廿蚊已經有一串，小食都係三十零蚊。職員首先提供左3款調味料比我哋，最左邊係好似醬油咁嘅味道，中間係海鹽，右邊係酸辣醬，可以比大家根據自己口味點唔同調味料。大家如果諗唔到食咩可以揀二人餐或者三人餐，咩都有啲，唔駛煩惱。另外如果lunch time或者下午茶嚟仲有輕盈套餐同埋下午茶套餐。我同朋友首先點左碟炸大腸，嘩，真係即叫即製㗎，熱辣辣，超脆皮，唔算話太肥，超好味呀！熊本一口牛細細粒，一啖一口，肉質夠嫩，牛味十足，很香和牛香味。雞軟骨唔會燒得太乾身，粒粒都仲好juicy。墨汁墨魚腸，唔好睇佢黑蚊蚊唔吸引，超好味，必食推介，外表好似一條腸仔咁，表層脆脆哋，入面充滿墨魚肉，非常爽口彈牙。蘑菇雞肉飯糰外表煎到脆脆哋，好似飯焦咁 面頭仲有少少炒香咗嘅芝麻，入面有蘑菇同埋雞肉，不過如果再多少
自從上次朋友介紹過喺工廠區有好多好嘢食之後，我就成日去工廠區發掘新嘢，希望可以尋得珍寶！ 今次又畀我搵到間正嘢， 餐廳位於觀塘駱駝漆大廈五樓，專係食串燒。見到門口個牌都好多唔同款式，價錢又經濟實惠。
餐廳都有十幾張檯，起初都有幾張吉檯，轉眼間已經爆晒，估唔到工廠區都有咁多人，相信必定係好嘢！
啲串燒一啲都唔貴，十零廿蚊已經有一串，小食都係三十零蚊。
職員首先提供左3款調味料比我哋，最左邊係好似醬油咁嘅味道，中間係海鹽，右邊係酸辣醬，可以比大家根據自己口味點唔同調味料。
大家如果諗唔到食咩可以揀二人餐或者三人餐，咩都有啲，唔駛煩惱。另外如果lunch time或者下午茶嚟仲有輕盈套餐同埋下午茶套餐。
炸大腸
$38
14 views
0 likes
0 comments
我同朋友首先點左碟炸大腸，嘩，真係即叫即製㗎，熱辣辣，超脆皮，唔算話太肥，超好味呀！
熊本一口牛，雞軟骨，墨汁墨魚腸
$68
6 views
0 likes
0 comments
熊本一口牛細細粒，一啖一口，肉質夠嫩，牛味十足，很香和牛香味。
雞軟骨唔會燒得太乾身，粒粒都仲好juicy。
墨汁墨魚腸，唔好睇佢黑蚊蚊唔吸引，超好味，必食推介，外表好似一條腸仔咁，表層脆脆哋，入面充滿墨魚肉，非常爽口彈牙。
蘑菇雞肉飯糰
$28
7 views
0 likes
0 comments
蘑菇雞肉飯糰外表煎到脆脆哋，好似飯焦咁 面頭仲有少少炒香咗嘅芝麻，入面有蘑菇同埋雞肉，不過如果再多少少餡就會更加好。
鹽燒雞中翼
$22
3 views
0 likes
0 comments
鹽燒雞中翼夠乾身，鹽燒帶少少鹽味，再加上檸檬汁調味，perfect！
荔枝梳打
$38
5 views
0 likes
0 comments
食到口乾仲可以飲杯嘢，荔枝梳打，超大杯，兩個人飲都夠晒！
日本菠蘿雪芭
$58
11 views
0 likes
0 comments
日本芒果雪芭
$48
4 views
0 likes
0 comments
雖然食飽，梗係仲要叫個甜品啦，難得呢度有新鮮水果雪芭，我同朋友揀咗日本芒果雪芭同埋日本菠蘿雪芭，原個生果上，入面有急凍雪芭，菠蘿夠晒清甜，芒果就夠香，食完甜品真係大滿足啦。
工廠區美食真係多蘿蘿，真係要多啲介紹啲朋友去工廠區搵好嘢食啦！
Post
