伊甸 (Closed)

呢間餐廳嘅位置超方便，平時去觀塘工廠區食野都要穩勁耐先穩到間餐廳，但係呢間餐廳喺正地鐵站附近，去到入口附近，都見到餐廳指示，行一層樓梯上餐廳。餐廳嘅裝修係木系簡潔風格，好岩打卡，而座位都好闊落，坐得都好舒服。今次同朋友就叫咗兩份特盛台式雙餸套餐，除咗包主食，仲會包埋甜品同飲品，而飲品仲要係賞茶，所以都幾抵。1.台式肉燥新竹米粉湯 配 鹽酥雞排 & 雞軟骨餃子肉燥嘅份量好多，食米粉個陣，每一啖都食到肉燥，所以成個米粉都好夠味。鹽酥雞扒嘅外皮炸到好香脆，而雞肉都好juicy同嫩滑；而雞軟骨餃子我覺得好有驚喜，餃子外皮煎到好香脆，餃子餡料又真係會食到雞軟骨爽脆嘅口感。2. 台式肉燥新竹米粉湯 配 清湯牛肋條 & 酒槽雞中翼清湯牛肋條嘅份量都好多，有成四至五舊，每舊都炆得好淋，浸住湯食味道會更好；而酒槽雞中翼辣味比酒味更重，因為我個人唔係特別鐘意酒味，所以好岩我口味。3.紅豆仙草芋圓 & 黑糖花生麻糬黑糖麻糬嘅外層係黃豆粉加黑糖皮，入面包住花生嘅餡料，食落花生味濃郁；而仙草芋圓嘅份量都好多，一細碗都有成六至七粒芋圓，仲要芋圓好煙韌，可以食到薯仔同芋頭嘅味道，再加埋仙草配淡奶同紅豆，呢個組合無得