C.O.W. Dining (Closed)

觀塘工廠區好多樓上餐廳一直都好想試新今次嚟到依間有5 course set，啱晒我可以試多幾款。香煎鴨肝配慢煮菠蘿鴨肝充滿油香，入口軟縎，肝味濃郁，但係竟然唔係用新鮮菠蘿，有啲失望。香焗法式青口焗法式洋蔥湯洋蔥湯濃郁香甜，加上舖面嘅cheese同法包，夠哂正宗。野菌忌廉湯充滿松露嘅香氣，不過湯有啲稀，如果有啲野菌粒會更好。意大利雲吞配龍蝦汁雲吞皮有啲厚，醬汁份量太少。自家製意大利粉配巴馬火腿番茄忌廉汁自家製意大利粉口感軟硬適中，好有驚喜，加上creamy嘅醬汁，味道一流。香煎印度洋老虎蝦老虎蝦好大隻，一上枱已經聞到好香，蝦肉紮實多汁而配菜調味適中，味道不錯。甜品拼盤可以試哂幾種甜品，檸檬撻好夠酸。而朱古力撻唔會太甜，帶點苦澀味，啱哂我。