皇廷工房點心專門店 (Closed)

早前約咗個朋友去食個lunch，我就成日都係食西餐，今次試下一盅兩件。竟然係觀塘工業區都有得食點心，仲唔洗加一，唔錯👍午市時間佢哋有套餐套餐係 主食(飯/麵)🍜+ 點心🥧 +飲品🍹($54起)。不過我同朋友都係鍾意食點心多啲，決定散叫點心😊 一盅兩件大家通常會食咩？我哋就點咗幾樣好傳統又大眾化嘅點心：皇廷蝦餃皇($28)蟹籽燒賣皇($24)豉汁蒸鳳爪($22)蜜汁叉燒包($22)香煎蓮藕餅($24)韮王鮮蝦腸粉($35)養顏紅棗糕($22)最欣賞佢哋嘅鮮蝦腸粉，腸粉幼滑晶瑩，蝦肉彈牙，值得一試👍整體唔錯，即叫即蒸，熱騰騰，味道和賣相都唔錯😋